നെറികേടിന്റെ രാഷ്ട്രീയം

നെറികേടിന്റെ രാഷ്ട്രീയം 

 എം.പി. എസ്സ്  .വീയ്യോത്ത് 

എല്ലാമതത്തിന്റെയും ഉള്ളടക്കം ജനനന്മയും സമാധാനവും സാഹോദര്യവും ആണെന്നിരിക്കേ ഈ  ലോകത്തിന്റെ സ്ഥിതി എന്നതാണോ .   നമ്മുടെ ഉള്ളിൽ എന്നും പ്രാർത്ഥനയുടെ ഭാഗമായി മാത്രം   മാറേണ്ട  അതിന്റെ സ്ഥാനം ഇന്ന്  ഓരോരുത്തരുടെയും ഹൃദയത്തിൽ നിന്നും  മാറി തലച്ചോറിലേക്കും രക്തധമനികളിലേക്കും അലിഞ്ഞു ചേർന്നിരിക്കുന്നൂ . ഞരമ്പിനെ ചൂടുപിടിപ്പിക്കും വിധം രക്തത്തിലേക്ക് അതിലെ ഭ്രാന്ത് പടർന്നു പിടിപ്പിക്കുമ്പോൾ ചിലപ്പോൾ  ചിലരെ അത്  സ്ഥലകാലബോധം നഷ്ടപ്പെട്ട ഭ്രാന്തരെപ്പോലെ പെരുമാറാൻ പ്രേരിപ്പിക്കുന്നൂ  . അവർ പലപ്പോഴും മനുഷ്യജീവന്റെ മൂല്യ വ്യാപ്തിയും  തിരിച്ചറിയാനാവാത്ത വിധം പരിണാമം  പ്രാപിച്ചു്  രക്തദാഹികളായ രാക്ഷസരായിമാറുന്നൂ  . 

മതഗ്രന്ഥങ്ങളിൽ അടങ്ങിയിരിക്കുന്ന ഗുണപാഠകഥകളിലെ  നല്ലവശങ്ങൾ  മാത്രം  ഹൃദിസ്ഥമാക്കണം എന്ന്   പറഞ്ഞു പഠിപ്പിച്ചവർ പലരും  ഒരു കൂട്ടത്തിന് മുന്നിൽ നിന്ന് അക്രമത്തിന് ആജ്ഞാപിക്കുമ്പോൾ ഒരു നഗരം കത്തിയമരുന്നൂ .  അത്ത നേതാക്കൾ  എല്ലാവരിൽ നിന്നും ഒഴിഞ്ഞുമാറി ദൂരെയെങ്ങോ  നിന്ന്   എരിതീയിൽ എണ്ണയൊഴിച്ചു അക്രമം ആളിക്കത്തിക്കാൻ കോപ്പുകൂട്ടുമ്പോൾ ആ  രാജ്യത്തിലെ ഭരണാധികാരിപോലും മൗനം പാലിച്ചുപോരുന്നു  .   

 സത്യം മറനീക്കി ഒരിക്കൽ പുറത്തു വരുമ്പോൾ ആ വാർത്തയുടെ ഉറവിടം തിരഞ്ഞുകൊണ്ട്  ക്ഷോഭത്തോടെ ആർക്കോ വേണ്ടി  അക്രമത്തെ അപലപിക്കുമ്പോൾ  എല്ലാം നഷ്ടപ്പെട്ട ജനലക്ഷങ്ങളുടെ വികാരം വെറും ആലങ്കാരിക മാധ്യമ സംവാദങ്ങളിൽ ഒതുങ്ങിപ്പോകുന്നൂ .

രാഷ്‌ടീയതാല്പര്യത്തിലധിഷ്ഠിതമായ മാധ്യമധർമ്മങ്ങൾ പലപ്പോഴും സത്യങ്ങൾ വല്ലാതെ വികലമാക്കിമാറ്റുന്നൂ . വാർത്തകളിലെ സത്യമറിയാതെ ജനം ഒരു നഗരത്തിൽ നട്ടം തിരിയുമ്പോൾ വ അതും തങ്ങളുടെ മാധ്യമ സ്വാധീനം വർധിപ്പിക്കാനുള്ള മാർഗ്ഗമാക്കി ഇവർ മാറ്റുന്നൂ  . 

മാധ്യമധർമ്മം എന്നാൽ രാജ്യനന്മയിൽ അധിഷ്ഠിതമായ ജനങ്ങളെ ഒരു തരത്തിലും തെറ്റിദ്ധരിപ്പിക്കാത്ത സത്യസന്ധമായ ഒന്നായിരിക്കണം  എന്ന നിലപാടിൽ നിന്നും പലപ്പോഴും വിഭിന്നമാവുന്നൂ ഇവരുടെ ഈ പ്രവർത്തി .

 അതോടൊപ്പം തന്നെ രാജ്യത്തെ രാഷ്ട്രീയപ്പാർട്ടികൾ തങ്ങളുടെ വോട്ടുബാങ്ക് മാത്രം നോക്കാതെ രാജ്യതാല്പര്യത്തിൽ അധിഷ്ഠിതമായ പ്രവർത്തനം കൂടി കാഴ്ചവെക്കണം . ചുമ്മാ തമ്മിൽ തമ്മിൽ  ചളിവാരിയെറിയുന്ന നെറികേടിന്റെ രാഷ്ട്രീയം ഒരു രാജ്യത്തിന് ഒരിക്കലും നല്ലതല്ല .

ജനാധിപത്യം എന്നത് ജനങ്ങൾ തെരഞ്ഞെടുത്ത ഭരണാധികാരികൾ ജനങ്ങൾക്ക് വേണ്ടി നടത്തുന്ന ഭരണമായിരിക്കണം അല്ലാതെ വോട്ടു ചെയ്ത  ജനങ്ങൾക്ക് ഭരണം ഒരിക്കലും ഒരു ബാധ്യതയാവരുത് .

ചങ്ങാതി

ചങ്ങാതി  

എം. പി. എസ് . വീയ്യോത്ത് 

ഒരു രാത്രിയോടെയായിരുന്നൂ അവനെ വീട്ടിലേക്ക് കൊണ്ടുവന്നത് . പഞ്ഞിക്കട്ടപോലെയുള്ള അവന്റെ രൂപം എത്ര പതുപതുത്തതായിരുന്നു എന്ന് മകൻ പറഞ്ഞാണ് പിന്നീട് ഞാ ൻ അറിഞ്ഞത്  .

ഗൾഫിലെ മുറിയിൽ അന്ന് ഉറക്കമുണർന്ന എന്റെ വാട്സ് ആപ്പിൽ   മകൻ അവന്റെ ചിത്രങ്ങളും വീഡിയോകളും അയച്ചു തന്നപ്പോൾ അറിയാതെ അവനെ ഒന്ന് തൊട്ടുതലോടാൻ വല്ലാതെ കൊതിച്ചു. ഒരു രാത്രിയോടെയായിരുന്നൂ അവനെ വീട്ടിലേക്ക് കൊണ്ടുവന്നത് . പഞ്ഞിക്കട്ടപോലെയുള്ള അവന്റെ രൂപം എത്ര പതുപതുത്തതായിരുന്നു എന്ന് മകൻ പറഞ്ഞാണ് പിന്നീട് ഞാ ൻ അറിഞ്ഞത്  . 

പിന്നെപ്പോഴോ ഞാൻ പ്രവാസം അവസാനിപ്പിച്ച് നാട്ടിൽ തിരിച്ചെത്തിയ എനിക്ക്  ആദ്യമൊക്കെ അവനെ തൊടാൻ വല്ലാത്തൊരു ഭയമായിരുന്നു എന്നത് പരമാർത്ഥം . 

നാളുകൾ കടന്നുപോയപ്പോൾ എനിക്കും  അവനും ഇടയിലുള്ള വിടവ് നന്നേ കുറഞ്ഞു വന്നു . എന്റെ മടിയിൽ ഒരു കുഞ്ഞിനെപ്പോലെ കയറികിടക്കുക  രണ്ടുകാലിൽ നിന്ന് കൂട്ടിൽ നിന്നും കൈകൾ നീട്ടി മാടിവിളിക്കുക , പറമ്പിലൂടെ ഓടിനടന്ന ശേഷം എന്റെ അരികിലേക്ക് ഓടിവരിക എന്നിവ ഞങ്ങളുടെ ജീവിതത്തിന്റെ ഭാഗമായി മാറി . 

അവൻ വിശന്നു കരഞ്ഞാൽ ബിസ്ക്കറ്റോ പഴമോ നൽകി അവനെ ആശ്വസിപ്പിക്കുന്നത് എന്റെ ഒരു പതിവ് രീതിയായി മാറി . 

എനിക്ക് വീണ്ടുമൊരു പ്രവാസത്തിലേക്ക് തിരിക്കാനുള്ള വിസയും ടിക്കറ്റും കമ്പനി അയച്ചു തന്നപ്പോൾ എന്റെ മനസ്സ് അവനെ പിരിയാൻ നന്നേ വിഷമിച്ചത് ഇന്നും  ഞാൻ ഓർക്കുന്നൂ . 

വളർത്തു മൃഗങ്ങൾക്ക് നമ്മുടെ മനസ്സ് പെട്ടെന്ന് മനസ്സിലാവുമോ എനിക്കറിയില്ല പക്ഷെ അങ്ങനെ തോന്നിക്കുന്ന രീതിയിലായിരുന്നൂ തുടർന്നുള്ള ദിവസങ്ങളിലെ അവന്റെ പെരുമാറ്റം. 

പോവുന്ന ദിവസം കാലത്തും വൈകീട്ടും അവൻ വല്ലാതെ കുരച്ചുകൊണ്ടു കൂട്ടിൽ നിന്നും കണ്ണീർ വാ ർത്തപ്പോൾ എന്റെ നെഞ്ച് വല്ലാതെ നൊന്തു . അവൻ എന്നെ കൂട്ടിനരികിലേക്ക് കൈനീട്ടി വിളിച്ചു . ഞാൻ അവനെ തൊട്ടുതലോടി  അപ്പോഴും ആ  കണ്ണുകൾ  നിറഞ്ഞൊഴുകുന്നത് ഞാൻ ശ്രദ്ധിച്ചു . 

 അന്ന് രാത്രിയോടെ ഞാൻ വിമാനത്താവളത്തിലേക്കും തുടർന്നൊരു  പ്രവാസത്തിലേക്കും യാത്ര തിരിച്ചു. പിന്നീടെപ്പോഴോ അവനെ മറ്റാർക്കോ കൈമാറി എന്നറിഞ്ഞപ്പോൾ ഞാൻ വല്ലാതെ വിഷമിച്ചു . 

പിന്നീടുള്ള മടക്കയാത്രകളിൽ അവനില്ലാത്ത കൂട് എന്നെ ഒത്തിരി  വേദനിപ്പിക്കും തീർച്ച  .