കാലത്തിന്റെ നീതി
എം. പി. എസ്. വീയ്യോത്ത്
മഞ്ഞുകാലത്തെ ആ ദിവസത്തിൽ അന്തരീക്ഷത്തിൽ നിന്നും അയാളിലേക്ക് പടർന്നുകയറിയ ചെറുകാറ്റിന്റെ കൈവിരലുകളിൽപോലും ഒരു ചെറു ചൂട് അനുഭവപ്പെട്ടിരുന്നു. നിവർത്തിപിടിച്ച പത്രത്താളുകളിലെ ചരമക്കോളത്തിൽ ആരുടെയോ മുഖം പരത്തുകയായിരുന്നൂ അപ്പോൾ അയാൾ. കാറ്റിൻ കൈവിരലുകൾ വല്ലാതെ അയാളെ അലോസരപ്പെടുത്തുന്നത് ആ മുഖത്ത് ദൃശ്യമായിരുന്നൂ. കാലത്തെ തണുപ്പിൽ നിന്നും വഴിമാറി മധ്യാഹ്നത്തോടെ കത്തിജ്വലിക്കുന്ന സൂര്യന്റെ ചൂട് ഇന്നുവരെ അയാളെ ഇത്രത്തോളം ചുട്ടുപൊള്ളിച്ചിട്ടില്ല. ആ പത്രത്താളിലെ "വിശപ്പിനാൽ വലഞ്ഞ ഒരു മനുഷ്യജീവിയെ ചിലർ കള്ളൻ എന്ന് മുദ്രകുത്തി തല്ലിക്കൊന്ന കേസിന്റെ തുടർനടപടികളും അതിലെ മനുഷ്യത്വരഹിതമായ നടപടിക്രമങ്ങളും വിവരിക്കുന്ന ആ വാർത്ത അയാളുടെ മനസ്സിനെ വല്ലാതെ ഉലച്ചു. നീതിയും ന്യായവും മനുഷ്യത്ത്വവുമല്ല മറിച്ചു് എതിർകക്ഷിയുടെ പണവും സ്വാധീനവുമാണ് സർവ്വതും നിശ്ചയി ക്കുന്നത് എന്നോർത്ത് അയാളുടെ മനസ്സ് നീറി. ഒരേ കണ്ണുകളിൽ കൂടി എല്ലാവരെയും നോക്കിക്കാണാൻ നമ്മെ വീണ്ടും വീണ്ടും ഓർമ്മിക്കാൻ പ്രകൃതി തന്നെ തീരുമാനിച്ചിറങ്ങിയതിന്റെ ഫലമെന്നോണം പ്രളയമായും സുനാമിയായും കോറോണയായും ഇപ്പോൾ ഒമിക്രോണായും നമ്മെ പാഠം പഠിപ്പിച്ചുകൊണ്ടേയിരിക്കുന്നൂ ഒരിക്കലും നാം പഠിക്കാത്ത പാഠം . ആ പാഠമാണ് ഈ മഞ്ഞുകാലത്തും ഒരു ചെറു കാറ്റായി അയാളുടെ ദേഹത്തെ ഒന്ന് പൊള്ളിച്ചത്. ചിന്തിക്കുക മനസിലാക്കുക മറക്കാതെ കാക്കുക
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ