മതം (കവിത)

മതം
എം.പി.എസ് വീയ്യോത്ത്

ജാതിയും മതവുമായ്തമ്മിൽ
കലഹിക്കും മനുജന്റെ
അതിമോഹമോരോന്നും
തല്ലിപ്പെഴുപ്പിക്കാൻ കാലമോ
പല പല ദുരിതങ്ങളേകുന്നു

ഇന്നിവിടെ ശക്തനാം
ഓഖി തൻ കൈകളാൽ
മണ്ണിലെ  ഓരോരോ ജീവനേം
അമ്മാനമാടുന്ന നേരത്ത്
എങ്ങ് പോയെന്നറിയില്ല
മതഭ്രാന്തരായ ആ
കോമരക്കോലങ്ങൾ

ദുരിതത്തിൻ വേദനയിൽ
നൊന്തു പിടക്കുന്ന മർത്യനും
വേണമോ  ജാതിയും മതവുമായി വേർതിരിച്ചിടുന്ന ചോര എൻ കൂട്ടരേ

എന്തിനീ മത്സര ചിന്ത
അതിൽ നിന്ന് എന്ത് നീ
നേടി എന്ന് ഓർക്കുക
ചൊല്ലുക മനസ്സിലായ്
മാനവരെല്ലാരും തന്നെ
നിൻ സോദര രാണെന്ന സത്യം

കാലത്തിൻ കുസൃതിയിൽ
നിമിഷ നേരത്താൽ
അസ്തമിച്ചിടുന്ന  ജീവന്
എന്താണ് വിലയെന്നതോർക്കുക